2025 жылдың 4 сәуірінде Арқалық қаласы білім бөлімінің «№7 жалпы білім беретін мектебі» коммуналдық мемлекеттік мекемесінде «Дарынды оқушылармен жүргізілетін жұмыстың тиімді жолдары, жұмыс түрлері» тақырыбында облыстық семинар өтті.
Семинардың мақсаты: дарынды балалармен жұмыс жасауда заманауи педагогикалық тәсілдермен алмасу және енгізу, педагогтердің дарынды балаларды анықтау, қолдау және дамыту саласындағы кәсіби біліктілігін арттыру болды.
Семинарға қатысушыларды Арқалық қаласы білім бөлімінің басшысы Мәметеков Есламбек Жеңісұлы құттықтады.
Семинардың негізгі бағыттары – дарынды балалармен жұмыс жүргізудегі заманауи тәсілдер; дарынды оқушыларға психологиялық-педагогикалық қолдау көрсету.
Семинардың практикалық бөлігінде қатысушылар:
- Дарынды балалармен жұмыс жасауда инновациялық әдістерді қолдана отырып өткізілген ашық сабақтарға қатысты.
- Педагогикалық шеберханаларда оқу және оқудан тыс іс-әрекетті ұйымдастырудың тиімді формаларымен танысты.
- Жобалық және зерттеу қызметі.
- STEM-технологиялары және проблемалық оқыту.
- Дарынды балалармен жұмыс жасауда АКТ және цифрлық ресурстарды қолдану.
Семинарға облыстың әртүрлі мектептерінен 30-дан астам педагог қатысты, олардың қатарында пән мұғалімдері, ғылыми-әдістемелік жұмыс жөніндегі директордың орынбасарлары, білім бөлімдерінің әдіскерлері болды.
Семинар педагогтердің кәсіби көзқарасын кеңейтуге, үздік тәжірибелермен танысуға және өңірлік білім беру мекемелері арасындағы өзара әрекеттестікті нығайтуға ықпал етті.
Оставить комментарий