ТжКБ студенттеріне арналған қашықтық олимпиадаларының қорытындысы
2024 жылғы 23-24 мамырда техникалық және кәсіптік білім беру ұйымдарының бірінші курс студенттеріне арналған қашықтан облыстық олимпиадалар ұйымдастырылды.
Олимпиадалар физика, химия және биология пәндері бойынша өтті.
Олимпиадаларға Қостанай облысы колледждерінің 1 718 студенті қатысты.
Қатысушылар биология пәні бойынша олимпиадаға үлкен қызығушылық танытты – 668 қатысушы.
270 студент олимпиада жүлдегерлері атанды: 37 қатысушы І орын, 84 қатысушы ІІ және 149 қатысушы ІІІ орын алды.
Барлық қатысушылар сертификат алды, ал жүлдегерлерге «Қостанай дарыны» ӨОӘО дипломдары табысталады.
