Қазақстан тарихы пәні бойынша «Туған жер. Туған ел. Туған глобал» республикалық олимпиаданың қорытындысы
- Қостанай қаласының №3 мектеп –гимназиясының 11 сынып оқушысы Бикмухамбетова Джамиля – ең жоғары ұпай жинап, Сәрсен Аманжолов атындағы Шығыс Қазақстан университетінің 6В01601 - «Тарих» білім беру бағдарламасы бойынша 4 жылдық грантқа ие болды.
- Олимпиада барысында «Үздік зерттеуші» номанициясына Әулиекөл ауданының С. Баймагамбетов атындағы мектеп-гимназиясының 11 сынып оқушысы Ремезов Ренат ие болды.
2023 жылғы 4-5 мамырында Сәрсен Аманжолов атындағы Шығыс Қазақстан университеті Қазақстан тарихы, археология және өлкетану пәндері бойынша мектеп оқушыларына арналған «Туған жер. Туған ел. Туған глобал» республикалық онлайн пән олимпиадасын өткізді.
Республикалық онлайн-олимпиаданың мақсаты - оқушыларды тарихи сананы қалыптастыруға жәрдемдесу үшін Қазақстан тарихы, өлкетану білімі мен зерттеулеріне тарту болып табылады.
Олимпиадаға Қазақстан Республикасының жалпы білім беру мектептерінің 10-11 сыныптарының оқушылары қатысты. Республикалық онлайн пән олимпиада қорытындысы бойынша еліміздің әртүрлі аумақтарынан қатысқан 8 оқушы жүлделі орындарға, ал 5 оқушы әртүрлі номинациядан алға шықты.
Қостанай облысының командасы 5 оқушыдан құралды.
Олимпиада екі кезеңнен өтті: бірінші – тестілеу, екіншісі – берілген тақырыпқа жоба қорғау. Әділқазылар алқасының шешімімен жалпы ұпайлар бойынша командалық сайыста Қостанай облысының командасы ІІ орынға ие болып, арнайы дипломдармен марапатталды.
Сонымен қатар, барлық қатысушыларға сертификаттар беріліп, жеңімпаз командалардың жетекшілері алғыс хаттармен марапатталды.
Олимпиада жеңімпаздарын шын жүректен құттықтаймыз!
