«Өзін-өзі тану» бойынша республикалық олимпиадасының облыстық кезеңі

Ақпан айында «Өзін-өзі тану» республикалық олимпиадасының кезеңдері өтуде: 20 ақпанда аудандық/қалалық кезеңдер, ал 26 ақпанда – облыстық кезеңі өтті.

Аталған олимпиада құндылық бағдарларын қалыптастыру, шығармашылық әлеуетті дамыту, шығармашылық қызметте өзін-өзі көрсетуге ұмтылысты ынталандыру, жеке қасиеттерді, азаматтық ұстанымды көрсету, өзін-өзі жетілдіруге және өзін-өзі тануға ұмтылу арқылы балалар мен жасөспірімдерге адамгершілік-рухани білім беру мақсатында өткізіледі.

Олимпиаданың аудандық/қалалық кезеңдеріне Қостанай облысының 224 білім беру ұйымынан 520 оқушы қатысты. Осы кезеңде 9-11 сынып оқушылары ұсынылған тақырыптар бойынша эссе жазып, бірнеше жағдайдың шешімін ұсынды.

235 оқушы олимпиаданың аудандық/қалалық кезеңдерінің жүлдегерлері болып атанды, оның ішінде 82 - І орын, 76 – ІІ орын және 77 - ІІІ орынға ие болды.

106 оқушы олимпиаданың облыстық кезеңіне қатысуға ұсынылды, Қостанай облысының 12 өңірінің 43 облыс мектептері мен 2 дарынды балаларға арналған мамандандырылған білім беру ұйымынан 76 оқушы қатысты.

Облыстық кезең тапсырмалары тестілеу мен берілген тақырыпқа сөз сөйлеуден тұрды.

Олимпиаданың облыстық кезеңінің қазылар алқасының құрамына Ө. Сұлтанғазин атындағы Қостанай мемлекеттік педагогикалық университетінің педагогика кафедрасының оқытушылары, «Өрлеу» АҚ Қостанай облысы бойынша педагогтардық біліктілігін арттыру институтының өзін-өзі тану бойынша жаттықтырушысы, Қостанай облысы әкімдігі білім басқармасының әдістемелік кабинетінің қызметкерлері, «Қостанай дарыны» өңірлік ғылыми-практикалық орталығының әдіскерлері кірді.

Олимпиада жүлдегерлері 31 оқушы атанды, оның ішінде 6 – І орынға, 9 – ІІ орынға және 16 - ІІІ орынға ие болды.

• 9-сыныптар арасындағы жүлдегерлер:

• 10-сыныптар арасындағы жүлдегерлер:

• 11-сыныптар арасындағы жүлдегерлер:

Облыстық кезеңнің қорытындысы бойынша біздің облысымызды республикалық «Өзін-өзі тану» олимпиадасында ұсынатын 10-11 сыныптардың 4 оқушысы анықталды. Бұл олимпиада Жалпы білім беретін пәндер бойынша республикалық олимпиадалармен бірге ағымдағы жылдың 1-5 сәуір аралығында Талдықорған қаласында өтеді.