Облыстық Әбіш оқуларының қорытындылары

2020 жылдың 11 желтоқсанында «Қостанай дарыны» ӨҒПО белгілі мемлекет қайраткері және жазушы Әбіш Кекілбаевтың шығармашылығына арналған Республикалық Әбіш оқуларының облыстық кезеңін өткізді.

Оқулардың мақсаты: патриотизмді арттыру, қазақ тілін үйренуді насихаттау және әдебиетке деген қызығушылықты ояту, жастарды қазақ халқының мәдени мұрасы мен жазушының шығармашылығын құрметтеу рухында тәрбиелеу.

Оқулар 4 бағыт бойынша өтті: «Мәнерлеп оқу», «Зерттеу жұмысы», «Сахналық қойылым» және «Иллюстрация».

Конкурсқа облыстың 16 өңірінің оқушылары және үш облыстық мамандандырылған білім беру ұйымдарының оқушылары қатысты.

Қазылар алқасы қатысушыларды бағалады, оның құрамына Қостанай облысы білім басқармасының қазақ тілі мен қазақ әдебиеті пәндерінің жетекшілік ететін әдіскері, педагогика ғылымдарының кандидаттары, А.Байтұрсынов атындағы Қостанай өңірлік университетінің оқытушылары, И.Омаров атындағы облыстық драма театрының әртістері,  А.И. Никифоров атындағы өнер мектебінің оқытушысы, Қостанай қ. физика-математика бағытындағы Назарбаев Зияткерлік мектебінің графика және жобалау пәнінің модератор-мұғалімі кірді.

Қазылар алқасы ұсынылған жұмыстардың ғылыми және өзектілігін, қатысушылардың шығармашылық көзқарасы мен білім деңгейін бағалады.

«Мәнерлеп оқу»  бағытына 21 оқушы қатысты. І орынды Әпеш Ақнұр (Жангелдин ауданы, Жангелдин орта мектебі) және и Тұрғанбек Айша (Рудный қаласы, Б.Майлин атындағы №7 мектеп-гимназиясы) иеленді.

«Зерттеу жұмысы» бағытына қатысқан 13 қатысушының ішінен І орынды  Рудный қаласының Б. Майлин атындағы №7 мектеп-гимназиясының оқушысы  Маликова Аида иеленді.

Ә. Кекілбаевтың шығармалары бойынша «Сахналық қойылым» номинациясында 9 білім беру ұйымының бейнероликтері көрсетілді. І орын Б. Майлин атындағы №7 мектеп-гимназия оқушыларының тобында.

«Иллюстрация» номинациясына 14 оқушы қатысты. І орынды Ы. Алтынсарин атындағы мамандандырылған мектеп-интернатының оқушысы Оспанова Зарина иеленді.

Оқулар, көптеген іс-шаралар сияқты, он-лайн режимінде өтті, бірақ барлық қатысушылар қазылар алқасының сұрақтарына жауап беріп, шығармашылық тапсырманы орындап шықты және Ә.Кекілбаевтың шығармаларынан үзінді оқып, өз білімдерін, дарыны мен әртістігін көрсете алды.

Барлық жеңімпаздарды құттықтаймыз!