«Қазақ Білім олимпиадасы» республикалық олимпиадасының қорытындысы

9-13 қараша аралығында жаратылыстану-математика циклінің 6 пәні бойынша «Қазақ Білім олимпиадасы» республикалық олимпиадасы өтті. Олимпиада дарынды балаларға арналған мамандандырылған білім беру ұйымдарының оқушыларына арналды.

Олимпиадаға дарынды балаларға арналған «Білім-Инновация» лицей-интернаты мен Ы. Алтынсарин атындағы мамандандырылған мектеп-гимназия-интернатының 35 оқушысы, сондай-ақ Қостанай қаласындағы ФМБ НЗМ 17 оқушысы қатысты.

Олимпиаданың екі туры мен апелляция қорытындысы бойынша 16 оқушы жүлдегер атанды, оның ішінде 5 – бірінші, 3 – екінші және 8 – үшінші орын.

Осы олимпиада жүлдегерлерінің арасында биылғы республикалық олимпиада жүлдегерлері де өз білімдерін растады. Олардың қатарында Әбдіқадыр Таир, Бугубаев Ахмет, Яхуда Жанахмет, Байжігіт Ерасыл, Кадралинов Алибек және басқалар бар.