Жалпы білім беру ұйымдарының 9-11 сынып оқушылары арасында Республика көлемінде өткен ІІІ Абайтану олимпиадасының қорытындысы

Елбасының «Болашаққа бағдар: рухани жаңғыру» атты мақаласындағы ұлттық бірегейлікті сақтау идеясын жүзеге асыру шеңберінде  Алматы қаласындағы Абай атындағы Республикалық мамандандырылған дарынды балаларға арналған қазақ тілі мен әдебиетін тереңдете оқытатын орта мектеп-интернаты 2021 жылғы 23-24 қаңтары аралығында жалпы білім беру ұйымдарының 9-11 сынып оқушыларына арналған қазақ тілі мен әдебиетінен республика көлемінде  ІІІ «Абайтану» олимпиадасын онлайн режимде өткізді.

Қостанай облысынан Рудный қаласындағы  Бейімбет Майлин атындағы №7 мектеп-гимназиясының және Қостанай ауданы  Айсары орта мектебінің 9-11 сынып оқушылары қатысты. Олимпиаданың қорытындысы бойынша  4 оқушы алғыс хатпен марапатталып, 2 оқушы ІІІ дәрежелі диплом және сымсыз құлаққап сыйлығының иегерлері атанды. Сонымен қатар, барлық оқушыларға олимпиадаға қатысқаны үшін сертификат берілді және олимпиадаға оқушыны сапалы дайындағаны үшін ұстаздар алғыс хатпен марапатталды.