«Үздік авторлық бағдарлама» республикалык конкурсының қорытындысы
5-6 желтоқсанда Алматы қаласында «Үздік авторлық бағдарлама» атты ауқымды республикалық конкурс өтті. Іс-шара Қазақстанның түкпір-түкпірінен өңірлік іріктеу турларының 190-ға жуық жеңімпаздарын біріктірді.
Конкурсқа Қостанай облысынан 9 талантты мұғалім қатысты және оның ішінде 5 педагог өз шеберлігі мен кәсібилігін дәлелдеп, жүлделі орындарға ие болды.
Алтынсарин ауданының Силантьев ЖББМ педагог-психологы Людмила Александровна Детянцева конкурс жеңімпазы атанды!
Лисаков қ. «Мұрагер» бөбекжай-бақшаның музыкалық жетекшісі Анна Сергеевна Швец пен Ы.Алтынсарин атындағы мамандандырылған мектеп-гимназия-интернатының көркем еңбек мұғалімі Гүлзат Сәбитқызы Сейдахметова - жүлделі II орын иегерлері!
Бейімбет Майлин ауданының Сапар Ерғалиев атындағы ЖББМ география пәнінің мұғалімі Акпанбетова Айдана Қайратовна мен Қарасу ауданы Октябрь ЖББМ математика пәнінің мұғалімі Пылыпива Алия Жолдыбаевна жүлделі III орынға ие болды.
Султанова Гулден Конысбайкызы (Қостанай қаласының № 24 мектеп-гимназиясы), Косанова Айжан Умиткалиевна (Қостанай қаласының М.Хәкімжанова атындағы №20 ЖББМ»), Абикенова Гульбану Абдырзаковна (Ы.Алтынсарин атындағы мамандандырылған МГИ) «ДАРЫН» республикалық ғылыми-практикалық орталығының грамоталарымен марапатталды.
Ұстаздарды құттықтаймыз!
