Астанада жаратылыстану-математикалық бағыттағы 6 пән бойынша республиканың ауыл мектептерінде оқитын 9-11(12) сынып оқушыларына арналған жалпы білім беретін пәндер бойынша республикалық олимпиаданың үшінші кезеңі аяқталды.

Олимпиада 14-18 қаңтар аралығында дәстүрлі форматта екі турда өтті.

Ауыл мектептерінің оқушыларына арналған жалпы білім беретін пәндер бойынша республикалық олимпиада алғаш рет 2023 жылдың қараша айында ҚР Оқу-ағарту министрі Ғ.Б. Бейсембаевтың тапсырмасымен басталды. Олимпиаданың басты мақсаты еліміздің ауылдық жерлеріндегі мектеп оқушыларының дарындылығы мен қабілеттіліктерін анықтау және қолдау, неғұрлым академиялық қабілетті оқушыларды іріктеу, оларды одан әрі зияткерлік дамыту және кәсіби бағдарлау үшін оңтайлы жағдайлар жасау болып табылады.

Олимпиаданың бастапқы кезеңіне Қостанай облысы ауыл мектептерінің 2000-нан астам оқушысы қатысты, облыстық (іріктеу) – 641 оқушы, оның қорытындысы бойынша олимпиаданың қорытынды кезеңінде біздің облыстың атынан қатысатын оқушылар іріктеліп алынды.

Жаратылыстану-математикалық бағыттағы пәндер бойынша олимпиаданың қорытынды кезеңіне қатысқан 16 қатысушының 4-еуі Әулиекөл, 3-еуі Б. Майлин, 3-еуі Жангелдин, 2-еуі Қостанай аудандарынан және Амангелді, Денисов, Қамысты, Меңдіқара аудандарынан 1 қатысушыдан.

7 қатысушы олимпиада жүлдегерлері атанды, оның ішінде 1 бірінші және 6 үшінші орын, тағы 3 оқушы грамоталармен марапатталды:

Республикалық деңгейде жоғары нәтиже көрсетулеріңізбен құттықтаймыз!