«Қостанай дарыны» өңірлік оқу-әдістемелік орталығы 2023 жылғы 21 қазанда Қостанай облысы әкімдігі білім басқармасының «Қостанай қаласы білім бөлімінің Абай атындағы жалпы білім беретін мектебі» КММ базасында «Қостанай дарыны» ӨОӘО Кубогына арналған VIII облыстық шахмат турнирін өткізді.

Турнирге облыстың 8 өңірінен: Алтынсарин, Денисов, Қарасу, Қостанай, Сарыкөл, Ұзынкөл аудандарынан, Қостанай және Рудный қалаларынан 8 команда (32 оқушы) қатысты.

Турнир жеке-командалық сипатта болды. Команда 1 білім беру ұйымының атынан қатысуы керек еді.  Ережеге сәйкес турнир екі жас тобы бойынша өтті: 9 жасқа дейін (ұл мен қыз) және 13 жасқа дейін (ұл мен қыз). Әр жас санатында жүлдегерлер анықталды.

 Сонымен қатар, турнирге қатысушылар келесі номинациялар бойынша марапатталды:

• «Ең жас қатысушы» - Қайрат Әділет, «Ұзынкөл ауданы білім бөлімінің № 1 Ұзынкөл жалпы білім беретін мектебі» КММ 2-сынып оқушысы;
• «Жеңіске деген ерік үшін» - «Сарыкөл ауданы әкімдігі білім бөлімінің Урицкий мектеп-лицейі» КММ командасы.

     Турнирдің жеңімпаздары мен жүлдегерлері дипломдармен және медальдармен марапатталды, ал жеңімпаз командаға естелік кубок табысталды.