3-4 және 5-6 сынып оқушыларына арналған математикадан «Алтын сақа» республикалық олимпиадасы

Қостанай облысы әкімдігінің білім басқармасы мен «Зерделі ақыл-ой дамыту мектебі» ЖШС арасындағы ынтымақтастық туралы меморандум аясында 2024 жылғы ақпан-мамыр айлары аралығында 3-4 және 5-6 сынып оқушылары арасында математикадан «Алтын сақа» республикалық олимпиадасы өтті.

Олимпиаданың мақсаты математикадан қабілетті балаларды анықтау, олимпиадалық резервті қалыптастыру болып табылады.

Олимпиада 4 кезеңде өтті. Олимпиаданың мектепішілік кезеңі ағымдағы жылдың 20 ақпанында өтті, оған 3-4 және 5-6 сыныптардың 1418 оқушысы қатысты. Аудандық/қалалық кезеңдер 2024 жылдың 3 наурызында өтті. Оған 374 оқушы қатысып, оның 232-сі облыстық кезеңге өтті.

 5-6 сыныптар үшін облыстық кезең - 28 сәуірде, ал 3-4 сыныптар үшін - 3 мамырда өтті. Олимпиадаға 5-6 сыныптардың 92 оқушысы және 3-4 сыныптардың 132 оқушысы қатысты. 156 оқушы облыстық кезеңнің жүлдегерлері атанды.

2024 жылғы 28 мамырда Қостанай облысы әкімдігі білім басқармасының «Қостанай қаласы білім бөлімінің №24 мектеп-гимназиясы» КММ базасында 3-4 және 5-6 сынып оқушылары арасында математикадан «Алтын сақа» республикалық олимпиадасының қорытынды кезеңі өтті.

Олимпиадаға облыс мектептерінен 21 оқушы қатысты. Олимпианың қатысушыларына математика бойынша қиындығы 3 деңгейлі тапсырмалар, тапсырмалар арасында тест тапсырмалары мен мәтіндік тапсырмалар берілді.

9 оқушы олимпиада жүлдегерлері атанды, оның ішінде 2 - І орын, 3 - ІІ орын, 4 - ІІІ орын және 4 оқушы ерекше жетістіктері үшін грамоталармен марапатталды.