«Ақберен» республикалық конкурсының қорытындысы

2024 жылғы 14-15 қарашада Астана қаласында «Ақберен» республикалық шығармашылық конкурсы өтті. Байқауға республиканың түкпір-түкпірінен 130 оқушы қатысты.

Конкурстың мақсаты: 8-11 сынып оқушыларының шығармашылық қабілеттерін шыңдау және таланттарды анықтау.

Қостанай облысының атынан Амангелді, Жангелдин, Б. Майлин аудандарынан, Рудный және Арқалық қалаларынан байқаудың облыстық кезеңінің 6 жеңімпазы қатысты.

Конкурс қорытындысы бойынша Арқалық қаласының Ш. Уәлиханов атындағы № 1 жалпы білім беретін мектебінің 11-сынып оқушысы Мұқаш Ақбота «Ақындар мүшәйрасы» номинациясы бойынша 2 орынға ие болды. Ал Рудный қаласының Б.Майлин атындағы № 7 мектеп-гимназиясының 9-сынып оқушысы Музафарова Гүлсезім «Шешендік, білгірлік сайысы» номинациясы бойынша дипломмен марапатталды.