«Әділетті қоғам - Адал азамат»республикалық семинар-тренингі
«Қазақстан Республикасының Президенттік орталығы» республикалық мемлекеттік мекемесі онлайн форматында «Әділетті қоғам - Адал азамат» семинар-тренингін өткізді.
Біздің облыстан семинар-тренингке Қамысты, Меңдіқара, Науырзым аудандары мен Қостанай, Лисаков, Рудный қалалары мектептері 9-11 сыныптарының 25 оқушысы қатысты.
Біздің балалар «Әділдік: тұжырымдамалық принциптер. Қазақстандық қоғамның әлеуметтік-мәдени мұраттары. Жаңа құндылықтарды қалыптастыру мәселелері» тақырыптарын талқылауға белсенді қатысты. Спикерлер ретінде Қазақстан Республикасы Президенттік орталығының жетекші ғылыми қызметкерлері мен аға сарапшылары сөз сөйледі.
Балалар өздері үшін жаңа құндылықтарды қалыптастыру қоғамның әрбір мүшесінің белсенді қатысуын қажет етеді деген қорытынды шығарды.
Берілген білім балалардың қазақстандық қоғамның әлеуметтік-мәдени мұраттарын жақсы түсінуіне және барлық азаматтардың игілігі үшін жаңа құндылықтарды қалыптастыруға өз үлесін қосуына көмектеседі деп үміттенеміз.
