Халықаралық Жәутіков олимпиадасы бойынша қостанайлық оқушылар жеңімпаздар қатарында!
2023 жылдың 1-10 ақпаны аралығында математика, физика және информатика пәндері бойынша 19-шы Халықаралық Жәутіков олимпиадасы өтті.
Олимпиаданың мақсаты: оқушылар арасында физика-математика ғылымдарын дәріптеу, халықаралық ынтымақтастықты дамыту, түрлі елдердің бейінді мектептері арасында достық қарым-қатынас орнату, олимпиадаларды ұйымдастыру мен өткізу бойынша тәжірибе алмасу, сондай-ақ Қазақстанның білімі мен мәдениеті деңгейін көрсету.
Биыл дәстүрлі олимпиадаға 25 елден 1200-ден астам қатысушы қатысты, оның ішінде Қазақстан, Әзірбайжан, Армения, Беларусь, Болгария, Грузия, Индонезия, Қырғызстан, Моңғолия, Ресей, Румыния, Сербия, Тәжікстан, Түрікменстан, Өзбекстан, Украина, Үндістан, Түркия, Вьетнам, Непал, Австрия, Польша, Перу, Египет және Ұлыбритания бар.
Олимпиада мамандандырылған физика-математика мектептері арасында үш пән бойынша өткізілетіндігімен ерекшеленеді.
Қостанай облысы командасының құрамында дарынды балаларға арналған 2 мамандандырылған мектептің 7 оқушысы қатысты: дарынды балаларға арналған «Білім-Инновация» лицей-интернаты мен «Озат» мамандандырылған ақпараттық технологиялар мектеп-лицей-интернатының облыстық, республикалық және халықаралық пәндік олимпиадалардың жүлдегерлері.
Олимпиада 2 турда өтті, онда осы олимпиада үшін арнайы әзірленген ең күрделі авторлық тапсырмаларды шешу қажет болды.
Бұл тапсырманы команданың 2 қатысушысы сәтті орындады: Даутов Жан және Самойленко Арсений (дарынды балаларға арналған «Білім-Инновация» лицей-интернаты). Сонымен балалар жетістіктерінің қоржыны осы беделді халықаралық олимпиаданың күміс (Даутов Жан, математика) және қола (Самойленко Арсений, физика) медальдарымен толыға түсті.
Құттықтаймыз!!! Жаңа жеңістер тілейміз!!!
