Оқушылардың коммуникативтік және көшбасшылық дағдыларын дамыту тренингтері

2020 жылдың 15 қазаны және 5 қараша аралығында 9-10 сынып оқушылары үшін көшбасшылық дағдыларын дамыту бойынша «Z көшбасшы» тренинг сериялары өтті. Тренингтерге ауыл мектептерінен 15 оқушы қатысты.

Тренингтер ZOOM платформасын пайдалану арқылы қашықтық нысанында келесі тақырыптар бойынша өтті: «Көшбасшылық қасиеттерді ынталандыру және анықтау», «Оқушылардың өзін-өзі басқаруы», «Әлеуметтік және бизнес жобаларының әдістемесі», «Өзін-өзі таныстыру».

Айта кету керек, Әулиекөл, Алтынсарин, Қамысты аудандарының оқушылары ең үлкен белсенділік танытты. Тренинг қорытындыларына сәйкес белсенді қатысқан және өзін-өзі таныстыруды ұсынған оқушылар «Қостанай дарыны» ӨҒПО сертификаттарымен марапатталған болатын.