Математика мұғалімдеріне арналған оқыту семинары

«Қостанай дарыны» өңірлік оқу-әдістемелік орталығы 2022 жылғы 23 қарашада жалпы білім беретін пәндер бойынша республикалық олимпиаданың аудандық/қалалық кезеңінің қазылар алқасының құрамына кіретін мемлекеттік тілде оқытатын математика мұғалімдеріне арналған «Олимпиадалық есептерді шешу» атты облыстық оқыту семинарын on-line форматында өткізді.

Семинарға облыстың 12 ауданынан және 4 қаласынан 30 педагог қатысты. Семинардың жаттықтырушысы республикалық және халықаралық олимпиадалардың көптеген жеңімпаздарын дайындаған «Дарынды балаларға арналған Білім-ИННОВАЦИЯ лицей-интернаты» КММ математика мұғалімі Сейдуәлі Дарын Жұмабекұлы болды.

Қатысушылар жалпы білім беретін пәндер бойынша республикалық олимпиаданың түрлі кезеңдерінде оқушыларға ұсынылған тапсырмаларды қарап, шешу тәсілдерін талқылады. Барлық педагогтарға сертификаттар табысталды.