Сыбайлас жемқорлыққа қарсы іс-қимыл жөніндегі бекітілген іс-шаралар жоспарына сәйкес ағымдағы жылдың 12 қазанында «Қостанай дарыны» оқу-әдістемелік орталығының қызметкерлеріне құқықтық дәріс өткізілді. Директордың орынбасары Л.Б. Байтенова білім беру саласындағы сыбайлас жемқорлық қылмыстары туралы ақпаратпен таныстырды, ӨОӘО-да осындай сыбайлас жемқорлық тәуекелдерінің туындауына жол бермеу және «Электрондық құжат және электрондық цифрлық қолтаңба туралы» Қазақстан Республикасының заңына сәйкес ЭЦҚ-ны үшінші тұлғаларға беруге тыйым салу жөніндегі жұмыс талқыланды. Қатысушылар «Сыбайлас жемқорлыққа қарсы іс-қимыл туралы» Қазақстан Республикасының Заңында көрсетілген сыбайлас жемқорлыққа қарсы іс-қимыл шараларының жүйесіне тағы бір назар аударды, тыңдаушыларға әкімшілік және қылмыстық сыбайлас жемқорлық бұзушылықтар, сондай-ақ олар үшін жауаптылық пен жаза туралы ескертілді.

Ұжымға «Қостанай облысы әкімдігінің білім басқармасы» ММ-нің  «Қостанай облысы қалалары мен аудандарының білім бөлімдерінде, оларға ведомстволық бағынысты ұйымдарда сыбайлас жемқорлық тәуекелдеріне ішкі талдау жүргізу туралы» 2023 жылғы 10 шілдедегі №439 бұйрығы негізінде, сондай-ақ «Қостанай дарыны» өңірлік оқу-әдістемелік орталығы» КММ-нің «Сыбайлас жемқорлық тәуекелдеріне ішкі талдау жүргізу туралы» 2023 жылғы 01 қыркүйектегі № 143 бұйрығының негізінде  «Қостанай дарыны» өңірлік оқу-әдістемелік орталығында 2022 жылғы 01 шілдеден 2023 жылғы 01 шілдеге дейінгі кезеңде жұмыс тобы жүргізген сыбайлас жемқорлық тәуекелдеріне ішкі талдау нәтижелері таныстырылып талқыланды.