Жобалар конкурсының облыстық кезеңі жүлдегерлерін тестілеу
2024 жылғы 19 желтоқсанда Қостанай қ. М. Горький атындағы гимназиясы базасында Жалпы білім беретін пәндер бойынша республикалық жобалар конкурсының кезекті кезеңі өтті.
Кезеңге жобалар конкурсы облыстық кезеңінің 158 жүлдегер оқушысы қатысты. Оларға үш қиындық деңгейіндегі бейіндік пән бойынша 60 тест тапсырмасы ұсынылды. Тестілеу қорытындысы бойынша жеке жобалар үшін ең жоғары балл – 120 баллды және командалық жобалар үшін – 240 баллды құрады.
Жаратылыстану-математикалық бағыттағы секциялардың жүлдегерлері үшін олардың жұмысы конкурстың келесі кезеңіне – жобаларды сараптау кезеңіне жіберілуі үшін 60 балл (командалық жобалар үшін – 120 балл) шегін еңсеру қажет болды.
Конкурстың қорытынды кезеңіне қатысушылардың есімдері 2025 жылдың қаңтар айының соңы мен ақпан айының басында белгілі болады.
