Жаңа оқу жылындағы алғашқы жеңістер!
«Дарын» Республикалық ғылыми-практикалық орталығы 2021 жылдың 24-27 тамызы аралығында он-лайн форматта ХХІІ республикалық Абай оқуларын өткізді.
Абай оқуларының негізгі мақсаты қазақ халқының әдеби мұрасын насихаттау, классикалық қазақ әдебиетін оқуға деген қызығушылықты арттыру, Абай және Шәкәрім шығармашылығын насихаттау, оқушылардың мәдениетін, эстетикалық талғамын, шығармашылық қабілеттерін қолдау және дамыту, поэзияға және ұлы ақындардың мұрасына деген сүйіспеншілікті тәрбиелеу болып табылады.
Республикалық кезең алты номинация бойынша өткізіледі:
1 номинация- «Өлең – сөздің патшасы, сөз сарасы» – Абай шығармалары бойынша мәнерлеп оқу конкурсы.
2 номинация - «Абайдың қара сөздері» - Абайдың Қара сөздері бойынша мәнерлеп оқу конкурсы.
3 номинация - «Абайдың ақын шәкірттерінің шығармалары» - Шәкәрім Құдайбердіұлы, Акылбай Абайұлы, Мағауия Абайұлының шығармалары бойынша мәнерлеп оқу конкурсы.
4 номинация - «Көңілім әнді ұғады» - Абай мен Шәкәрімнің әндері мен күйлерін үздік орындауға арналған конкурсы.
5 номинация - «Жүйріктен жүйрік озар жарысқанда» - өз шығармаларын орындау конкурсы: өлеңдер, әндер, күйлер.
6 номинация - «Ұлылар әлемі» - Абай мен Шәкәрімнің шығармашылығы туралы эссе жазу конкурсы.
Конкурс қатысушылары ақындардың барлық шығармаларын жатқа білуі тиіс.
Облыстық Абай оқуларының жеңімпаздары республикалық деңгейде лайықты өнер көрсетті. Біздің облысмызды Амангелді, Қостанай аудандары, сондай-ақ Рудный және Арқалық қалаларының қатысушылары таныстырды. Осы жылғы Республикалық Абай оқуларының жүлдегерлері қатарында 2 бірінші және 1 үшінші орын алған 3 қостанайлық оқушы «Дарын» РҒПО грамотасымен марапатталды.
Міне, жүлдегерлердің есімдері:
1 орын - Тлектес Айдана, Арқалық қаласы Шығыс жалпы білім беретін мектебінің 9 сынып оқушысы;
1 орын - Жуматай Айзере, Амангелді ауданы А. Нұрманов атындағы жалпы білім беретін мектебінің 9 сынып оқушысы;
3 орын - Қабжан Армангүл, Рудный қаласы № 15 жалпы білім беретін мектебінің 8 сынып оқушысы;
Грамота - Токкожаев Жамбыл, Б.Майлин атындағы № 7 мектеп-гимназиясының 10 сынып оқушысы.
Абай оқуларының жеңімпаздары мен жүлдегерлері Қазақстан Республикасы Білім және ғылым министрлігінің I, II, III дәрежелі дипломдарымен және медальдарымен, сондай-ақ «Дарын» Республикалық ғылыми-практикалық орталығының грамоталарымен және бағалы сыйлықтарымен марапатталады.
