Педагог-психологтарына арналған «Үздік психолог – 2024 жыл новаторы» онлайн байқауы

2024 жылғы 18 сәуірде Қостанай облысы әкімдігі білім басқармасының «Қостанай дарыны» өңірлік оқу-әдістемелік орталығы білім беру ұйымдарының педагог-психологтарына арналған «Үздік психолог – 2024 жыл новаторы» республикалық онлайн кәсіби байқауының облыстық кезеңін өткізеді.

Байқау педагог-психологтардың кәсіби деңгейін арттыруға және шығармашылық әлеуетін жүзеге асыруға, позитивті психологияны насихаттауға бағытталған.

Ережеге сәйкес: бірінші кезең – өңірлік; екінші кезең – республикалық, байқау онлайн форматта өткізіледі.

Өңірлік іріктеу кезеңіне қатысуға өтінімдер мен материалдар (портфолио және бейнероликтер) білім бөлімдерінен ағымдағы жылдың 12 сәуіріне дейін қабылданады.