Ауыл мектебі оқушыларына арналған «Мың бала» ұлттық зияткерлік олимпиадасының 1-туры

Жыл сайын Қазақстан Республикасында ауыл мектебі оқушыларына арналған «Мың бала» ұлттық зияткерлік олимпиадасы өткізіледі. Бұл ауыл мектебінің талантты және қабілетті оқушыларын қолдауға бағытталған ұлттық ауқымдағы жоба.

Тіркеуден өткен ауыл мектептерінің 6 сынып оқушылары «Мың бала» олимпиадасына қатысуға шақырылады.  Олимпиада екі кезеңде өткізіледі. Қостанай облысында тіркелген 6 сынып оқушылары үшін бірінші (іріктеу) кезең 2025 жылдың 3, 4 сәуірінде  https://1000bala.elumiti.kz  ресми сайтында прокторинг сервисі қолданыла отырып, online режимінде өтеді. Олимпиаданың бірінші кезеңі логикалық және жан-жақты ойлауды бағалауды қамтиды.

Олимпиаданы өткізу уақыты сағат 09.00-ден 18.00-ге дейін. Олимпиаданың ұзақтығы 90 минут.

Барлық қатысушыларға сәттілік тілейміз!