Жаратылыстану-математика циклі пәндері бойынша XVІ Президенттік олимпиадасының өңірлік кезеңі
2024 жылғы 8 қазанда жаратылыстану-математикациклі пәндері бойынша XVІ Президенттік олимпиаданың өңірлік кезеңі өтті.
Ережеге сәйкес олимпиадаға бұрын Республикалық олимпиадаға қатыспаған 11 сынып оқушылары қатысты.
Олимпиада жаратылыстану-математика циклінің4 пәні бойынша өтті: математика, физика, химия және биология. Биыл олимпиадаға қатысушыларға дәстүрлі олимпиадалық тапсырмалар – есептер дайындалды. Биология бойынша ашық тапсырмалар ұсынылды. Олимпиаданың осы кезеңінің қорытындысы бойынша ең жоғары ықтимал балл – 100 балл (әр пән бойынша 25 балл).
Олимпиадаға облыстың білім беру ұйымдарынан 91 оқушы қатысты. Олимпиада дәстүрлі форматта А.Байтұрсынов атындағы Қостанай өңірлік университетінің базасында ұйымдастырылды.
Кезең қорытындысы бойынша 17 қазанда өтетін қашықтық кезеңге қатысу үшін ең жоғары балл жинаған 20 оқушы іріктелді.
