2-4 сынып оқушыларына арналған «Бастау» XVII республикалық математикалық олимпиадасы

2024 жылдың 24-28 наурызы аралығында Ш. Смағұлов атындағы Алматы облыстық мамандандырылған физика-математика мектеп-интернатының базасында 2-4 сынып оқушыларына арналған «Бастау» XVII республикалық математикалық олимпиадасы өтті.

Олимпиаданың негізгі мақсаты – бастауыш мектеп жасындағы дарынды балаларды анықтау, дамыту және қолдау, олардың математика бойынша білімдерін тереңдету және кеңейту.

Олимпиадаға Қазақстанның барлық облыстарынан, Астана, Алматы және Шымкент қалаларынан, сондай-ақ «Назарбаев Зияткерлік мектептерінен», Республикалық физика-математика мектептерінен және республикалық жекеменшік мектептер қауымдастығынан командалар қатысты.

Республикалық турнир үш кезеңде өтті:

1 кезең – «Әу, баста!» (командалық есеп);

2 кезең – «Асық» (командалық есеп);

3 кезең – «Математикалық бәйге» (жеке есеп).

Қостанай облысынан 2 команда қатысты: Қостанай қаласының физика-математикалық лицейі және Қостанай қаласының № 24 мектеп-гимназиясы – олимпиаданың облыстық кезеңінің жүлдегерлері. Балалар математикалық білім мен сыни ойлаудың жоғары деңгейін, ынтымақтастық дағдыларын және командада жұмыс істеу қабілетін көрсете отырып, барлық сынақтардан абыроймен өтті.

Олимпиада қорытындысы бойынша командалардың қатысушылары жеке есепте жүлделі орындардың иегерлері атанды:

Қостанай қ. физика-математикалық лицейі: Суворов Роман (4 сынып) – 2 орын; Молдахмет Абзал (3 сынып) – 3 орын; Ерманова Дарья (2 сынып) – 3 орын.

Қостанай қ. № 24 мектеп-гимназиясы: Өмірзақ Ерасыл (4 сынып) – 2 орын; Кеңесбай Нұғман (3 сынып) – 3 орын; Қуандық Арсен (2 сынып) – 3 орын.

Жалпы командалық есепте физика-математикалық лицейі I орынды, ал №24 мектеп-гимназиясы II орынды иеленді. Жүлдегерлер «Дарын» РҒПО-ның I, II, III дәрежелі дипломдарымен марапатталды.

Республикалық деңгейде жоғары нәтиже көрсетулеріңізбен құттықтаймыз!