Педагогтерге арналған облыстық вебинарлар
24.04.2025
2025 жылдың 31 наурызында Науырзым ауданы білім бөлімінің «Докучаев жалпы білім беретін мектебі» КММ мұғалімдерінің ұйымдастыруымен педагогтерге арналған «Цифрландыру жағдайында дарынды балаларға білім берудегі инновациялық тәсілдер» тақырыбында облыстық вебинар өткізілді.
Вебинар барысында мына мәселелер қаралды:
- «Қазақ тілі мен әдебиет сабақтарында сандық технологияларды қолдану арқылы дарынды оқушылардың таным белсенділігін арттыру жолдары».
- «TED X: Биология бойынша дарынды балаларды дайындауда жасанды интеллект (ЖИ) модельдерін пайдалану»
- «Ағылшын тілі сабақтарында дарынды балалардың тілдік дағдыларын дамыту үшін сандық ресурстарды қолдану».
- «Математикадан олимпиадаға дайындалу кезінде сандық ресурстарды пайдалану».
- «Бастауыш сынып оқушыларының дарынын қазіргі сандық кеңістікте дамыту үшін ClassDojo қызметін тиімді пайдалану».
Баяндамашылар дарынды оқушылардың жеке тұлғасын дамытуға, зерттеу қызметі мен шығармашылық ойлау қабілеттерін арттыруға ықпал ететін заманауи сандық технологияларды қолдану тәжірибесімен бөлісті.
Мыналарға ерекше назар аударылды:
- Дербестендірілген оқу үшін онлайн-платформаларды (Bilim Land, Labster, Coursera, ClassDojo, CORE App, Perplexity, LISTENING) пайдалану.
- Күрделі тәжірибелер жүргізуге мүмкіндік беретін виртуалды зертханалар мен STEM-жобалар.
- Химиялық және биологиялық процестерді талдау үшін жасанды интеллект пен 3D-модельдеуді қолдану.
- Ғылыми тұжырымдарды көрнекі түрде ұсыну үшін VR/AR-технологияларды енгізу.
- Оқушылардың халықаралық олимпиадаларға, хакатондарға және ғылыми байқауларға қатысуы.
Вебинар қатысушылардың қызығушылығын оятты, ал ұсынылған мысалдар дарынды балаларды оқытуда сандық құралдарды пайдаланудың тиімділігін көрсетті.
