«Қостанай дарыны» өңірлік оқу-әдістемелік орталығы 2025 жылдың 10 қарашасында физика пәні мұғалімдеріне онлайн форматта «Олимпиадалық есептерді шешу» атты облыстық семинар өткізді.
Семинардың негізгі мақсаты - жаратылыстану-математикалық цикл педагогтерінің кәсіби құзыреттілігін жетілдіру және оқушылардың олимпиадаға сапалы дайындығын қамтамасыз ету.
Семинарға Қостанай облысының 12 ауданынан және 4 қаласынан 35 педагог қатысты. Семинарды Астана қаласы «Республикалық физика-математика мектебі» КЕАҚ филиалының физика кафедрасының меңгерушісі, физика пәнінің мұғалімі Салимов Алмаз Баймарзаұлы өткізді.
Қатысушылар республикалық олимпиаданың әртүрлі кезеңдерінде оқушыларға ұсынылатын тапсырмаларды қарап, талдады.
Талқылауға қатысқандардың барлығының белсенді болуы, сондай-ақ жаттықтырушының жоғары кәсібилігі мен мазмұнды жұмысы нәтижелі оқыту мен сындарлы тәжірибе алмасуға ықпал етті.
