2-4 сынып оқушыларына арналған «Бастау» республикалық математикалық олимпиадасы облыстық кезеңінің қорытындысы

2025 жылғы 20 ақпанда Қостанай облысы әкімдігі білім басқармасының «Қостанай қаласы білім бөлімінің №5А мектеп-гимназиясы» КММ базасында 2-4 сынып оқушыларына арналған «Бастау» республикалық математикалық олимпиадасының облыстық кезеңі өтті.

Негізгі мақсаты – бастауыш мектеп жасындағы балаларды анықтау, дамыту және қолдау, олардың математика бойынша білімдерін тереңдету және кеңейту.

Олимпиадаға Қостанай облысының 19 өңірінен жасақталған 23 команда құрамында 66 оқушы қатысты.

Олимпиада 3 кезеңде өткізілді: 1 кезең – «Әу, баста!» (командалық сынақ); 2 кезең – «Асық» (командалық сынақ); 3 кезең – «Математикалық бәйге» (жеке сынақ). Бұл ретте әрбір балл команданың есебіне қосылады.

Командалар 2 лигаға бөлінді: 1 лига – қала мектептері командалары, 2 лига – ауыл мектептері командалары.

Командалық есепте жеңімпаз атанды:

1 лига – 1 орын – Қостанай қ. №24 мектеп-гимназиясы;

2 орын – Қостанай қ. физика-математикалық лицейі; Рудный қ. командасы (№2 гимназия, № 4 мектеп-лицей);

3 орын – Лисаков қ. командасы (№6 ЖББМ, №2 ЖББМ); Рудный қ. (Б.Майлин атындағы №7 мектеп-гимназиясы);

2 лига – 1 орын – Сарыкөл ауданы; 2 орын – Қамысты ауданы, 3 орын – Қарабалық, Жангелдин, Жітіқара аудандары.

Жеке есепте 34 оқушы жүлдегер атанды, оның ішінде 11 – І орын, 8 – ІІ орын және 9 – ІІІ орын.