Ағымдағы жылдың 8-10 қазаны аралығында ауылдық жерлердегі мектептердің 9-11 сынып оқушыларына арналған жалпы білім беретін пәндер бойынша Республикалық олимпиаданың 2-кезеңі өтеді.
1-кезеңге Қостанай облысының білім беру ұйымдарынан 2657 оқушы қатысты, оның ішінде 2316 оқушы 2-кезеңге қатысуға жіберілді, бұл бастапқы кезеңге қатысқандар санының 87,2 %-ын құрады.
Олимпиада аудандар мен қалалардың тірек мектептерінің базасында онлайн режимінде аудандар мен қалалардың білім бөлімдерінің жетекшілігімен өтеді. Оқушылар «Дарын» республикалық ғылыми-практикалық орталығы әзірлеген тест тапсырмаларын орындайды.
Қатысушылардың басым бөлігін Қостанай, Әулиекөл және Меңдіқара аудандарының оқушылары құрап отыр.
2-кезеңнің қорытындысы бойынша барлық қатысушылар «Дарын» республикалық ғылыми-практикалық орталығының сертификаттарын алады, сондай-ақ әрбір пән мен сынып бойынша жүлделі орындар беріледі.
Осы турдың қорытындысы бойынша күзгі демалыс күндері өткізу жоспарланған облыстық кезеңнің қатысушылары іріктеліп алынады.
