2025 жылғы 17-18 желтоқсанда Қостанай облысының өңірлерінде 9-11 сынып оқушыларына арналған республикалық олимпиаданың 2 (аудандық/қалалық) кезеңі өтті.
Олимпиадаға 3500-ден астам оқушы 15 жалпы білім беретін пән бойынша қатысты: математика, химия, физика, биология, информатика, география, қазақ тілі мен әдебиеті, орыс тілі мен әдебиеті, орыс тілінде оқытатын мектептердегі орыс тілі, орыс тілінде оқытатын мектептердегі қазақ тілі, Қазақстан тарихы, құқық негіздері, ағылшын, неміс және француз тілдері.
Олимпиадаға қатысушыларға классикалық олимпиадалық тапсырмалар ұсынылды: есептерді шешу, бағдарламалау, эссе жазу, тест тапсырмалары.
Олимпиада барлық ережелерді сақтай отырып, өңірлерде тірек мектептер базасында өтті. Кезеңді өткізу қорытындысы бойынша жеңімпаздар 2026 жылдың қаңтарында өтетін олимпиаданың облыстық кезеңіне қатысуға ұсынылатын болады.
